Базілікавы ліманад

Здаровы варыянт наталення летняй смагі 

Лета гэта адзіны сезон у годзе, калі ў мяне ёсць жаданне самой не толькі гатаваць больш канкрэтную ежу, але яшчэ і рабіць усялякія штукі для асвяжэння і ахалоджвання арганізму. Такі ліманад - чарговы добры прыклад таго, што карыснае для здароўя можа быць смачным, сакавітым і прыемным. Раю таксама для прыгатавання такога кшталту напояў і дэсертаў са свежымі ягадамі і садавіной паэксперыментаваць з заменнікамі цукру - фруктозай, мёдам, стэвіяй, сіропам з агавы і г. д. Кожны з іх дадасць напою ці страве крышачку іншы смак і прынясе менш шкоды нашаму глюкознаму балансу.

Складнікі:

3 лімоны

1,5 л вады (гатаванай або газаванай)

20 лісткоў свежага базіліку

каля 100 гр цукру

Прыгатаванне: 

1. Абабраць скурку з лімонаў. Парэзаць лімоны на кавалкі.

2. Лісткі базіліку разам з лімонамі зміксаваць блэндэрам да аднароднай масы. 

3. У маленькай каструлі падагрэць крыху вады з цукрам, пакуль ён не растварыцца. 

4. Змяшаць усе інгрыдыенты. Калі не любіце "гушчу", працадзіце напой праз сіта. Я дык люблю, таму звычайна яе пакідаю. 

5. Ахаладзіць ліманад у лядоўні або дадаць лёд непасрэдна у шклянку. 

***

А іншы варыянт летняга ліманаду можна знайсці тут: