Моцна шакаладнае цеста, далікатны тварог і спелыя маліны
Складнікі:
маліны, колькі не шкада
Цеста
2 горкія шакаладкі (разам 200 гр)
120 гр мукі
200 гр мягкага масла
130 гр дробнага цукру
3 яйкі
Тварожная начынка
500 гр тварагу
2 вялікія яйкі
130 гр дробнага цукру
Прыгатаванне:
1. Спачатку робіцца начынка. Тварог некалькі разоў прапусціць праз мясарубку або набыць адразу гатовы тварог для чызкейкаў.
2. Дадаць да тварагу яйкі і цукар, усё разам добра перамяшаць міксерам. Адставіць тварожную масу ў бок.
3. Затым робіцца цеста. Масла зміксаваць ці перацерці з цукрам. Міксуючы, дадаваць па адным яйку.
4. Шакалад паламаць на кавалкі, растапіць у металічный місцы над парам. Крыху астудзіць і дадаць да масла з яйкамі і цукрам, добра перамяшаць.5. У канцы дадаць да сумесі муку і перамяшаць, каб маса стала аднароднай.
6. Паставіць награвацца духоўку на 170 градусаў. Форму выкласці паперай для выпечкі. Палову шакаладнага цеста выліць у форму. Потым выкласці ўсю тварожную масу. Наверх выкласці астатняе шакаладнае цеста. Можна проста адным слоем, а можна лыжкай выкладаць кропкамі, а потым зрабіць на пірагу ўзоры.
7. Наверсе выкласці маліны і крыху "ўтапіць" іх у цеста (каб не падгарэлі падчас выпечкі).
8. Адправіць чызкейк у духоўку на прыкладна 50 хв. Потым адкрыць духоўку і астудзіць пірог. Найлепш пірог смакуе крыху цёпленькім. Але яго можна схаваць у лядоўню, прыкрыўшы фальгой. Толькі перад тым, як есці, яго трэба вынуць з лядоўні крыху загадзя, каб не быў занадта халодны, тады на поўніцу адчуваецца ўвесь малінава-шакаладны арамат.
***
Іншыя варыянты чызкейкаў з майго блогу:
No comments :
Post a Comment